Выпра́та[1], Малінаўка[1], Вяпратка[2] — рака ў Лагойскім і Вілейскім раёнах Мінскай вобласці Беларусі, левы прыток ракі Ілія (басейн Віліі).
Даўжыня ракі 19 км, 14 км з іх у Лагойскім раёне[3]. Плошча вадазбору 79 км². Сярэдні нахіл воднай паверхні 2,5 м/км. Выток ракі знаходзіцца за 2 км у напрамку на захад ад вёскі Вяпраты Лагойскага раёна[3]. Упадае ў Ілію за 2 км на поўнач ад вёскі Сакалоўка Вілейскага раёна. Вадазбор на заходніх схілах Мінскага ўзвышша. Азёрнасць вадазбору 1 %. Каля вёсак Вяпраты, Калачы, Сакалоўка на рацэ сажалкі.