Ву́ткі[1] (трансліт.: Vutki, руск.: Утки) — вёска ў Вілейскім раёне Мінскай вобласці. Уваходзіць у склад Іжскага сельсавета. У 2012 годзе 5 двароў, 7 жыхароў.
Паселішча вядомае з 1789 г. Як вёска ў маёнтку Спягла ва ўласнасці Алаізія Сулістроўскага.
У пачатку 20-га стагоддзя 111 жыхароў, з іх 55 мужчын. Ім належала 61 дзесяціна зямлі.
У 1938 годзе — вёска ў Войстамскай вясковай гміне Вілейскага павета. 18 двароў, 86 жыхароў.
У 1939 — у складзе Куранецкага раёна Вілейскай вобласці БССР.
У 1950 утворана вытворчая брыгада калгаса імя Калініна (з 1957 — «Рассвет»). Цэнтр калгаса — вёска Іжа.
У 2003 годзе 6 двароў, 12 жыхароў[2].