wd wp Пошук: ⬜

Венерыянскі снег

Венерыянскі снег — субстанцыя невядомай прыроды з высокім альбеда, якой пакрыты шматлікія горныя вяршыні на Венеры.

Выяўленне і месцазнаходжанне

Першыя даныя пра венерыянскі снег паднёс апарат «Піянер-Венера». Пазней апарат «Магелан» выявіў венерыянскі снег амаль на ўсіх горных вяршынях Венеры. Адным з нешматлікіх выключэнняў з’яўляецца вулкан Маат, што, зрэшты, можа быць звязана з яго нядаўнім вывяржэннем, пасля якога новае снежнае покрыва не паспела ўтварыцца.

Тэорыі саставу і паходжання

Яшчэ калі гэту з’яву выявіў «Піянер-Венера», з’явілася тэорыя, што горы Венеры ўтрымліваюць вялікую колькасць пірыту, які агаліўся падчас эрозіі.

Тым не менш, з 1995 года, пасля завяршэння працы «Магелана», гэта тэорыя была адпрэчана. Паводле новай, больш праўдападобнай і цікавейшай тэорыі, нейкія рэчывы, выпараючыся на паверхні Венеры, падымаюцца ўгару, і крышталізуюцца, набліжаючыся да халоднага хмарнага покрыва. Рэчывы, якія выпадаюць на паверхню Венеры, зноў выпараюцца, калі не асядуць на вяршыні гор — там, з-за ніжэйшай тэмпературы яны не могуць выпарыцца зноў.

Як правіла, кандыдатамі лічацца тэлур, пірыт, гематыт, пераўскіт[1] або сульфіды свінцу і вісмуту[2][3][4]. Гэты «снег», мяркуючы па ўсім, валодае высокай праводнасцю.

Зноскі

1. ↑ Paul Rincon[en] Планета Венера: «злое блізня» Зямлі (англ.)  = Planet Venus: Earth’s ’evil twin’ // BBC News. — 7 November 2005.
2. ↑ Carolyn Jones Otten Металічны снег на Венеры — сульфід свінцу (англ.)  = ‘Heavy metal’ snow on Venus is lead sulfide // Washington University in St.Louis Newsroom. — February 10, 2004.
3. ↑ David Whitehouse[en] На Венеры ёсць горы з цяжкім металам (англ.)  = Venus has ‘heavy metal mountains’ // BBC News. — 25 November, 2003.
4. ↑ Laura Schaefer, Bruce Fegley Jr. Heavy metal frost on Venus (англ.)  // Icarus[en]. — Elsevier, 2004. — Т. 168. — № 1. — С. 215-219. — DOI:10.1016/j.icarus.2003.11.023 — Bibcode: 2004Icar..168..215S

Спасылкі

• Häusler, B.; et al., M; Tyler, G; Simpson, R; Bird, M; Dehant, V; Barriot, J; Eidel, W; et al. (2006). “Radio science investigations by VeRa onboard the Venus Express spacecraft”. Planetary and Space Science 54 (13–14): 1315–1335. doi:10.1016/j.pss.2006.04.032. Bibcode: 2006P&SS…54.1315H.
• Brackett, Robert A.; Fegley, Bruce; Arvidson, Raymond E. (1995). “Volatile transport on Venus and implications for surface geochemistry and geology”. Journal of Geophysical Research 100 (E1): 1553–1563. doi:10.1029/94JE02708. Bibcode: 1995JGR…100.1553B. http://solarsystem.wustl.edu/wp-content/uploads/reprints/1995/No54%20Brackett%20et%20al%201995%20JGR.pdf. Retrieved on 2010-05-20.

Тэмы гэтай старонкі (3):
Катэгорыя·Вікіпедыя·Ізаляваныя артыкулы/сірата0
Катэгорыя·Паверхня Венеры
Катэгорыя·Геалогія Венеры