wd wp Пошук: ⬜

Гематыт

Гематыт, чырвоны жалязняк — шырока распаўсюджаны мінерал жалеза Fe2O3, адна з найгалоўных жалезных руд. У прыродзе сустракаецца некалькі марфалагічных разнавіднасцяў гематыта: жалезная слюда, чырвоная шкляная галава, жалезная ружа.

Крышталізуецца ў трыганальнай сінгоніі. Утварае пласцінчатыя, таблітчастыя крышталі, часта ліставатых і лускаватых агламератах. Колер ад жалезна-чорнага, вішнёва-чырвонага. Шчыльнасць каля 5300 кг/м³. Цвёрдасць 6—6,8 па шкале Моаса. Раствараецца ў канцэнтраванай салянай кіслаце.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 5: Гальцы — Дагон. — С. 148. — 576 с. — 10 000 экз. — ISBN 985-11-0090-0 (т. 5), ISBN 985-11-0035-8.
Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — С. 32. — 522 с. — 10 000 экз.

Спасылкі

Гематит в базе webmineral.com (англ.)
Гематит // Каталог Минералов.RU (руск.)
На Вікісховішчы ёсць медыяфайлы па тэме Гематыт