Варанец коласападобны[3] (Actaea spicata) — шматгадовая расліна сямейства Казяльцовыя (Ranunculaceae).
Сцябло 30-80 см вышынёй з буйным чарговым, двойчы ці тройчы трайчастарассечаным лісцем, якое расце ад тоўстых карэнішчаў, якія знаходзяцца ў глебе. Кветкі несамастойныя, дробныя, сабраны ў гронкападобныя суквецці. Пялёсткі дробныя, лопасцевыя. Тычынкі даўжэй іншых частак кветкі. Песцік адзін. Плод — сакавітая шматнасенная ягада чорнага колеру.
Цвіце ў канцы вясны — пачатку лета.
Рэдкая расліна, якая расце на схілах яраў і берагах лясных ручаёў. Ахоўваецца.
Варанец коласападобны — ядавітая, лекавая расліна. У яго траве знойдзеныя алкалоіды, у пладах і каранях — сапоніны і трансаканітавая кіслата. Адвар з яе п’юць пры псіхічных і страўнікавых захворваннях. Ужываецца ў гамеапатыі[4]