ВАЗ-2103ВАЗ-2103 на ВікісховішчыАгульныя даныя
Вытворца: | ВАЗ |
Выпуск: | 1972—1984 |
Зборка: | Тальяці СССР |
Тып(ы) кузавы: | 4‑дзв. седан (4‑месн.) |
Пераемнік |
ВАЗ-2103 (на экспарт ішоў пад назвай Lada 1500) — савецкі заднепрывадны малы седан II групы. Быў распрацаваны сумесна з італьянскай фірмай Fiat на базе мадэлі Fiat 124 і серыйна вырабляўся на Волжскім аўтамабільным заводзе з 1972 па 1984 год. За 12 гадоў было выпушчана 1 304 899 аўтамабіляў.
Першыя 1500 машын, якія былі выраблены ў 4-м квартале 1972 года, камплектаваліся салонам ад ВАЗ-2101 з-за праблемаў з пачаткам вытворчасці дэталяў афармлення салону, і мелі індэкс ВАЗ-2103В. Яны не трапілі ў рознічны гандаль, а былі прададзеныя працаўнікам самога ВАЗа і заводаў-сумежнікаў.
Адрозненні ў аздабненні салона 2103 ад ВАЗ-2101 былі значнымі. Прастора над галавой павялічана на 15 мм, а адлегласць ад столі да сядзення складала 860 мм. Зменена цалкам панэль прыладаў, у якой з’явіліся гадзіннік і тахометр. З’явіліся тоўстыя тканкавыя дываны на падлозе, якія палепшылі знешні выгляд і шумаізаляцыю. Былі ўведзены дадатковыя пластыкавыя накладкі, дзякуючы чаму ў салоне прыктычна не засталося пафарбаванага метала — у адпаведнасці са стандартамі сямідзясятых гадоў. Багажнік «люксавага» варыянта таксама меў аздабленне з фармаванага пластыку.
Базавы 77-сільны рухавік ВАЗ-2103 дазваляў дасягнуць хуткасці ў 100 км/г за 16 секундаў, што рабіла яго самым дынамічным з масавых савецкіх аўтамабіляў тых гадоў.
Колы ВАЗ-2103 атрымаў новыя дыскі з шаснаццаццю круглымі адтулінамі. У параўнанні з 2101 шырыня вобада павялічылася да пяці цаляў, а вылет, наадварот, паменшыўся да 29 мм. На дыск усталёўваўся каўпак тыпу 2101[3]. Шыны — Ия-170 — радыяльныя, з шырынёй профілю 165 мм (на ВАЗ-2101 155 мм)[4].
З 1973 года ВАЗ-2103 пачаў з’яўляцца ў гонках. У асноўным выкарыстоўваўся на ўнутраных савецкіх гонках, дзе спаборнічала з падрыхтаванымі Масквічамі або Іжамі. «Жыгулі» таксама спаборнічалі з іншымі аўтамабілямі ўсходнееўрапейскага паходжання, польскім Fiat 125p або чэхаславацкай Škoda 130 RS, як, напрыклад, на Кубку міру і сяброўства ў 1975 годзе пад Мінскам. Дзякуючы магутнаму рухавіку ВАЗ-2103 таксама быў папулярным за мяжой у гоншчыкаў краін, дзе ВАЗ дамогся камерцыйнага поспеху. У Чэхаславакіі ён быў мадыфікаваны кампаніяй MTX(чэшск.) бел., прыватныя каманды таксама выкарыстоўвалі яго ў ралійных гонках у Грэцыі, Швецыі, Фінляндыі. У другой палове 1970-х гадоў ВАЗ-2103 выкарыстоўваўся на чэмпіянаце свету па ралі. Лепшым вынікам было шостае месца ў абсалютным заліку на ралі «Акропаліс» у 1976 годзе[5].
ВАЗ-2103 на Вікісховішчы |