Бузіна травяністая[3] (Sambucus ebulus) — кветкавая расліна, від роду Бузіна (Sambucus) сямейства Адоксавыя (Adoxaceae).
Бузіна травяністая — шматгадовая травяністая расліна з непрыемным пахам. Вышыня дарослай расліны складае ад 50 да 150 см. Сцябло прамое.
Лісце даўжынёй да 20 см, з хвосцікам, які ў 4—5 разоў карацейшы за пласцінку; лісце складаецца з 9—11 завостраных лісточкаў.
Суквецце верхавіннае, венікавае, на доўгім кветаносе. Кветкі маюць мігдальны пах. Плады чорныя, бліскучыя, даўжынёй каля 4 мм, з трыма або чатырма яйкападобнымі зернейкамі.
Плады ядомыя, іх ядуць сырымі, гатуюць з іх віно, а таксама варэнне і іншыя кулінарныя вырабы.