wd wp Пошук: ⬜

Будапешцкі ўніверсітэт Корвіна

Будапешцкі ўніверсітэт Корвіна — венгерская дзяржаўная вышэйшая навучальная ўстанова са статусам універсітэта і з сядзібай у горадзе Будапешт. Названа ў гонар караля Мацьяша I Корвіна.

Агульная характарыстыка

Гэта даследчы ўніверсітэт, арыентаваны на навуку і адукацыю. У цяперашні час ва ўніверсітэце навучаецца каля 11 500 студэнтаў, якія засвойваюць адукацыйныя праграмы ў галіне дзелавога адміністравання, эканомікі і сацыяльных навук у Будапешце і Секешфехервары з 1948 года.

Універсітэт навучае студэнтаў на шасці факультэтах і іншых структурных падраздзяленнях, якія навучаюць бакалаўраў, магістраў і дактарантаў па спецыяльнасцях, якія выкладаюцца на венгерскай, англійскай, французскай і нямецкай мовах.

Універсітэт быў уключаны ў топ-50 у рэйтынгу еўрапейскіх ВНУ Financial Times. Многія міністры і прэм’ер-міністры Венгрыі вучыліся ў гэтай ВНУ.

Структура

Інстытут эканомікі бізнесу
Інстытут камунікацый і сацыялогіі
Інстытут развіцця прадпрыемстваў
Інстытут эканомікі і публічнай палітыкі
Інстытут эканомікі
Інстытут фінансаў, уліку і бізнес-права
Інстытут інфармацыйных тэхналогій
Інстытут міжнародных, палітычных і рэгіянальных навук
Інстытут маркетынгу
Інстытут менеджменту
Інстытут матэматыкі і статыстычнага мадэлявання

Зноскі

↑ Dr. Takáts Előd a Corvinus új rektora — Універсітэт Корвіна. Праверана 26 ліпеня 2021.

Спасылкі

На Вікісховішчы ёсць медыяфайлы па тэме Будапешцкі ўніверсітэт Корвіна
Афіцыйная інтэрнэт-старонка ўстановы