Бланта́йр, Блантайр-Лімбэ[1] — самы буйны горад на поўдні Малаві. На 2008 год насельніцтва горада складае 732 тысяч чалавек.
Горад заснаваны ў 1876 годзе шатландскімі місіянерамі і названы па месцы нараджэння даследчыка Афрыкі Д. Лівінгстана[2]. Сучасны Блантайр утвораны ў 1956 годзе ў выніку зліцця двух гарадоў[1]. Галоўны гандлёвы і прамысловы цэнтр краіны. Чыгункай звязаны з портам Бейра ў Мазамбіку. Дзейнічае міжнародны аэрапорт, Нацыянальны музей, універсітэт.