У Вікіпедыі ёсць артыкулы пра іншых асоб з прозвішчам Лівінгстан.
Давід Лівінгстан (англ.: David Livingstone) (19 сакавіка 1813, Блантайр, каля Глазга — 1 мая 1873) — шатландскі місіянер, даследчык Афрыкі, па адукацыі медык.
У 1840 годзе пасланы Лонданскім місіянерскім таварыствам у Паўднёвую Амерыку. З 1840 года зрабіў некалькі працяглых падарожжаў па Паўднёвай і Цэнтральнай Афрыцы і даследаваў вялікую тэрыторыю ад Кейптаўна да экватара і ад Атлантычнага акіяна да Індыйскага акіяна. Перайшоў пустыню Калахары і адкрыў возера Нгамі; абследаваў басейн ракі Замбезі, адкрыў раку Луалаба, вадаспад Вікторыя, азёры Бангвеулу, Шырва, Ньяса і іншыя. Разам з Г. Стэнлі даследаваў возера Танганьіка. Усе маршруты нанёс на карту. Сабраў вялікі навуковы матэрыял аб прыродзе і насельніцтве Паўднёвай Афрыкі.
Імем Лівінгстана названы горад у Замбіі, вадаспады на рацэ Конга і горы. Каля горада Табора (Танзанія) знаходзіцца дом-музей Д. Лівінгстана[7].