Бе́йра[1] (парт.: Beira) — горад і порт у Мазамбіку, адміністрацыйны цэнтр правінцыі Сафала. Заснаваны ў 1891[1] годзе.
Бейра знаходзіцца на ўзбярэжжы Мазамбікскага праліва Індыйскага акіяна.
Бейра з’яўляецца вузлом чыгунак і аўтамабільных дарог. Дзейнічае міжнародны аэрапорт, прадпрыемствы харчовай, тэкстыльнай, дрэваапрацоўчай, металаапрацоўчай прамысловасці, нафтаперапрацоўчыя прадпрыемствы. Порт Бейра акрамя Мазамбіка абслугоўвае такія краіны, як Зімбабвэ, Замбія, Малаві і частку Дэмакратычнай Рэспублікі Конга[1].