wd wp Пошук:
    ⬜

    Блакітніца мелеагр

    Блакітніца мелеагр[3] (Polyommatus daphnis) — матыль з сямейства блакітніц.

    Апісанне

    Даўжыня пярэдняга крыла — 12 — 19 мм. Размах крылаў 31-35 мм. Самец зверху атласна-блакітны. Самка бурая з цёмнай палосай па краю крыла, іншы раз з блакітным апыленнем. Спод крылаў буравата-шэры, у самцоў амаль белы з 2 радамі цёмна-шэрых плям уздоўж краю і чорнымі плямамі ў пярэдняй частцы крылаў. Ад іншых роднасных відаў адрозніваецца зубчастым выступам каля ўнутранага вугла задняга крыла і адсутнасцю чырвоных плям на задніх крылах. У самкі такіх выступаў некалькі і яны больш выразныя[4].

    Пашырэнне

    Паўднёвая і Сярэдняя Еўропа, Крым, Малая Азія, Каўказ, Закаўказзе, Блізкі Усход, Пярэдняя Азія, Урал, паўночны захад Казахстана[5]. У Беларусі адзначана на Палессі, дзе праходзіць паўночная мяжа арэала.

    З Растоўскай вобласці від вядомы па зборах 1993—1996 гг. з Куйбышава, Казанскай, Раздорскай. Усюды рэдкі[6].

    Месцы пражывання: пусткі, сухія схілы, берагі рэчак, невялікія лугі, узлескі, абочыны дарог і чыгуначныя насыпы. Трапляецца пераважна ў месцах, асвоеных чалавекам.

    Біялогія

    Жыве ў стэпе і горных лугах сярэдняга пояса. Вид аселы. За год дае 1 пакаленне. Лёт матылёў у ліпені-жніўні.

    Размнажэнне

    Самка адкладае яйкі на кармавыя расліны, дзе яны зімуюць. Вусені развіваюцца вельмі павольна, часам да чатырох месяцаў. Некаторыя жывуць у мурашніках і сілкуюцца лічынкамі мурашак. Вусені развіваюцца на кветках астравых: вязелі (Coronilla), сачавічніку (Orobus), чаборы (Thymus), кураваі (Astragalus), Onobrychis, рутвіцы (Lotus) і іншых раслінах.

    Падвіды

    Блакітніца мелеагр — Polyommatus daphnis

    Зноскі

    1. ↑ INPN taxonomie
    2. ↑ euro butterflies
    3. ↑ Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мн.: Беларуская Энцыклапедыя, 1993. ISBN 5-85700-095-5
    4. ↑ urral.ru
    5. ↑ Сайт «Бабочки Дагестана» (babochki-kavkaza.ru) (руск.)
    6. ↑ голубянка дафнис, мелеагр, голубянки (Polyommatus daphnis), численность, длина крыла, окраска, распространение ареал, места среда обитания, антропогенное воздействие… (руск.)
    7. 1 2 3 4 5 funet Архівавана 24 кастрычніка 2012.

    Літаратура

    Тэмы гэтай старонкі (6):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Артыкулы без спасылкі на Віківіды
    Катэгорыя·Жывёлы паводле алфавіта
    Катэгорыя·Біялагічныя артыкулы без ITIS
    Катэгорыя·Блакітніцы
    Катэгорыя·Біялагічныя артыкулы, дзе адсутнічае перанакіраванне з лацінскай назвы таксона