Блакітны (Сіні) Каран (араб. المصحف الأزرق) — туніскі куфічны рукапіс Карана блакітнага колеру, створаны ў прамежак паміж канцом IX стагоддзя і пачаткам X стагоддзя для мусульман Кайруана[5]. Рукапіс лічыцца адным з самых мастацкіх асобнікаў Карана, а таксама адным з найвялікшых твораў ісламскага мастацтва і адным з самых дарагіх калі-небудзь зробленых рукапісаў.
Першае згадванне пра рукапіс узыходзіць да 1293, калі ён быў уключаны ў каталог бібліятэкі Вялікай мячэці ў Кайруане[6]. Некаторыя даследчыкі выказваюцца ў карысць Іспаніі. Большасць даследчыкаў згодныя з месцам і часам стварэння рукапісу Сіняга Карана, хоць Элейн Джордж мяркуе, што яго можна датаваць эпохай ранняга Абасідскага халіфата[7].
Рукапіс выкананы тэхнікай залатога (хрызаграфія) і срэбнага пісьма на пергаменце, цалкам афарбаваным у колер індыга. Таксама выкарыстаны чырвоныя чарнілы[8]. Гэта вядомы ўзор мусульманскай каліграфіі, званы «адным з найбольш мудрагелістых раскошных рукапісаў, калі-небудзь створаных»[9]. Гісторык мастацтва Ясір Табаа пісаў, што «мімалётнае ўздзеянне» залатых літар на паверхні індыга «заклікана зацвердзіць веру мутазілітаў у стваральнасць і цудоўную сілу Слова Божага»[10].
Рукапіс складаўся з 7 тамоў[11] і утрымліваў 600 старонак, якія разышліся па свеце ў часы Асманскай імперыі. У 1923 годзе ў Стамбуле некаторыя старонкі рукапісу набыў калекцыянер Ф. Р. Марцін, які прадаў іх затым у Еўропе[12]. У 1977 годзе ў распараджэнні Christie’s апынуліся некаторыя рукапісы з падобных на старонкі з Сіняга Карана, але дакладна не вядома, ці з’яўляюцца яны такімі ў рэчаіснасці.
Сёння вялікая частка старонак знаходзіцца ў Нацыянальным інстытуце мастацтваў і археалогіі Туніса, а астатнія ў іншых музеях па ўсім свеце[13]. З 1983 года ў Нацыянальным музеі ісламскага мастацтва ў Ракадзе(англ.) бел. захоўваюцца 67 старонак. Таксама старонкі рукапісу захоўваюцца ў Бібліятэцы Чэстара Біці ў Дубліне, у Метраполітэн-музеі ў Нью-Ёрку, Музеі Тарэка Раджаба(англ.) бел. ў Кувейце[14] і прыватных калекцыях. 24 красавіка на аўкцыёне Sotheby’s адна са старонак была набытая за £ 250 520[15].
Старонкі маюць розныя памеры: у Лос-Анджэлескім акружным музеі мастацтваў — 28,25 х 37,46 сантыметраў, хоць ёсць і такія, памер якіх больш чым 31 х 41 см.
Кожная сура ўпрыгожана больш чым 20 сярэбранымі разеткамі, а літары выпісаны золатам; каштоўны металічны тэкст разам з насычаным індыга сведчыць аб магчымым узыходжанні да дынастыі Фацімідаў, якія кіравалі Паўночнай Афрыкай у гэты час, імкнучыся гэтым творам мастацтва показать сваі багацце і моц Візантыйскай імперыі, якая валадарыла у гэты час над Анатоліяй, і выкарыстоўвала залатыя і сярэбраныя чарнілы для пісьма на пурпурным пергаменце ў сваіх раскошных рукапісах. Залатыя чарнілы для пісьма вырабляліся з парашковага золата. Дэкор, які аблямоўваў старонкі, мог быць з міхраба Кордаўскай саборнай мячэці. Дадзены ўзор з’яўляецца адзіным захаваным з усіх фацімідскіх Каранаў. Да ліку больш ранніх поўных спісаў Корана належаць Самаркандскі куфічны каран(руск.) бел.[16] і Тапкапійскі рукапіс(англ.) бел.[17]
Куфічны шрыфт мае вострыя вуглы ў абзацах па 15 радкоў на старонцы, без агаласовак, што было натуральным для мусульманскіх рукапісаў у IX-X стагоддзях.
Слупкі надпісаў прыкметна размешчаны на правым баку кожнай старонкі, якія ўзніклі шляхам увядзення ў прастору тэксту цэзур, якія ставяць асобныя літары ў пачатку радкоў. Словы з незвязанымі літарамі ў рукапісы часам падзеленыя паміж сабой лініямі: іншая адметная рыса тэкстаў Карана таго часу[18]. Гэтыя лініі былі створаны са срэбра[19] і за 1000 гадоў акісліліся[20].