wd wp Пошук: ⬜

Белакветнік летні

Белакве́тнік летні[3] (Leucojum aestivum) — від кветкавых раслін з роду Белакветнік (Leucojum) сямейства Амарылісавыя (Amaryllidaceae).

Батанічнае апісанне

Шматгадовая цыбульная расліна вышынёй 25—40 см. Цыбуліна дасягае 3—4 см у дыяметры. Сцябло прамастойнае, рабрыстае, злёгку сціснутае. Лісце шырокае, лінейнае, суцэльнае, бліскучае, сядзячае, часам даўжэйшае за сцябло. Кветкі з 6 пялёсткамі, белыя з зялёнымі плямамі, па 3—10 у парасоніках. Плод — каробачка. Насенне круглаватай формы, чорнага колеру.

Распаўсюджанне і экалогія

Расліна распаўсюджана ў Заходняй Еўропе, Малой Азіі, на Каўказе і на тэрыторыі Крыма. Расце па берагах вадаёмаў, у прыбярэжных і пойменных хмызняках, на вільготных і забалочаных лугах. Цвіце ў маі, плоданосіць у ліпені. Размнажаецца цыбулінай, дзеткамі і насеннем.

Гаспадарчае значэнне

Лекавая і дэкаратыўная расліна.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
↑ Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз.

Літаратура

Пашына Г. В. Белакветнік // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз. — С. 267.

Спасылкі

Белоцветник летний — Leucojum aestivum: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
Белакветнік летні: звесткі пра назву таксона на сайце The Plant List (version 1.1, 2013).(англ.)