Бадушка рагатая (Centrotus cornutus) — від паўцвердакрылых насякомых з сямейства Гарбаткі (Membracidae).
Распаўсюджаны ў Заходняй Еўропе, Беларусі, Украіне, Еўрапейскай частцы Расіі, Турцыі, на Каўказе і ў Закаўказзі, Сярэдняй Азіі, Казахстане, Сібіры, на поўдні Хабараўскага і Прыморскага краёў. Жывуць на палянах, на буйнатраўі пад полагам лесу, каля лясных дарог і на ўзлессі. У Еўропе дарослых насякомых назіраюць з мая да кастрычніка.
Даўжыня цела імага 7—9,6 мм. Дарослыя асобіны чорныя, на іх целе ёсць жаўтаватыя прылеглыя валаскі; у самак краі бакавых і задніх адросткаў пярэдняспінкі(руск.) бел. бываюць бурыя. Надкрылы(руск.) бел. і іх жылкі празрыстыя.
Німфы ў перыяд росту звычайна не пакідаюць кармавых раслін, такіх як птушанец (Vincetoxicum), бадзяк (Cirsium), чартапалох (Carduus) і крапіва (Urtica). Імага жывуць на верхавінах травяністых раслін і кустах, але часцей на маладых дрэвах, такіх як таполя (Populus), дуб (Quercus), маліна (Rubus), сліва (Prunus) і іншых.