Араціў[1] (укр.: Оратів) — пасёлак гарадскога тыпу ў Вінніцкай вобласці Украіны, раённы цэнтр. Размешчаны за 85 км на ўсход ад Вінніцы і за 180 км на паўднёвы захад ад Кіева. Упершыню згадваецца ў матэрыялах Віленскага сейма 1448 г., пасёлак гарадскога тыпу з 1984 г. У 1811 г. атрымаў статус горада. З другой паловы XIX ст. цэнтр воласці. Практычна да пачатку ХХ ст. захоўваў польскі характар, у мясцовым касцёле абвянчаўся вядомы польскі пісьменнік, рэвалюцыянер Апала Кажэнёўскі (польск.: Apollo Korzeniowski).