У Вікіпедыі ёсць артыкулы пра іншых асоб з прозвішчам Луцэвіч.
Андрэй Піліпавіч Луцэ́віч[1] (28 ліпеня (10 жніўня) 1919, в. Зазерка, цяпер Пухавіцкі раён Мінскай вобл. — 17 ліпеня 1944) — старшы сяржант Рабоча-сялянскай Чырвонай арміі. Герой Савецкага Саюза (1944).
Радзіўся ў сям’і працоўнага. Беларус. Скончыў 6 класаў Зезерскай школы[2]. У Чырвонай Арміі з 1939 года, удзельнік 2-й сусветнай вайны пачынаючы з фінскай кампаніі (1939—1940). У баях Вялікай Айчыннай вайны з верасня 1941 г. Загінуў у баі 17 ліпеня 1944 года.
Пахаваны ў вёсцы Смалвас Зарасайскага раёна Літвы.
Узнагароджаны ордэнам Леніна, ордэнамі Айчыннай вайны 1-й ступені, Славы 3 ступені, медалямі.
Навечна залічаны ў спісы часці. На радзіме Гераю ўсталяваны помнік. Яго імем названа вуліца ў горадзе Прыекуле (Літва)[3].