У Вікіпедыі ёсць артыкулы пра іншых асоб з прозвішчам Апарын.
Аляксандр Іванавіч Апарын (руск.: Александр Иванович Опарин; 2 сакавіка 1894 — 21 красавіка 1980) — савецкі біяхімік, грамадскі дзеяч. Распрацаваў гіпотэзу ўзнікнення жыцця на Зямлі з каацэрватных кропель (каацэрватная гіпотэза). Акадэмік АН СССР (1946, член-карэспандэнт 1939), ганаровы член акадэмій навук Балгарыі, ГДР, Кубы, Іспаніі, Італіі, Герой Сацыялістычнай Працы (1969).
Скончыў Маскоўскі ўніверсітэт у 1917 годзе. З 1929 года — прафесар гэтага ўніверсітэта. У 1935 годзе з А. М. Бахам арганізаваў Інстытут біяхіміі АН СССР, з 1946 года — яго дырэктар. Навуковыя працы па біяхіміі раслін, праблеме ўзнікнення жыцця на Зямлі. Заснавальнік эвалюцыйнай біяхіміі, вучэння пра эвалюцыйнай біяхіміі, вучэння пра хімічную эвалюцыю дабіялагічнага перыяду развіцця жыцця.
Ленінская прэмія (1974). Залатыя медалі імя І. І. Мечнікава (1960) і М. В. Ламаносава (1979).