Адво́рня[1] (трансліт.: Advornia, руск.: Адворня) — вёска ва Ушацкім раёне Віцебскай вобласці. Уваходзіць у склад Сарочынскага сельсавета.
У XIX ст. вёска ў складзе Чарсцвядскай воласці Лепельскага павета Віцебскай губерні. У 1905 г. 14 двароў, 135 дзесяцін зямлі, належала Янаўскаму сельскагаспадарчаму таварыству. Адносілася да Апанаскавіцкай праваслаўнай царквы Святога Духа.
З 20 жніўня 1924 г. вёска ў складзе Сарочынскага сельсавета Ушацкага раёна. 17 дзяцей з вёскі наведвалі працоўную школу 1-й ступені ў в. Ляснеўшчына. Паводле перапісу 1926 г., 21 двор. У 1930 г. арганізаваны калгас. У 1941 г. — 20 двароў. На 2000 г. 27 двароў.