Яўге́н Міха́йлавіч Лі́фшыц (21 лютага 1915, Харкаў, Украіна — 29 кастрычніка 1985) — савецкі фізік-тэарэтык. Акадэмік АН СССР (1979, член-карэспандэнт 1966). Брат І. М. Ліфшыца.
Скончыў Харкаўскі політэхнічны інстытут (1933). З 1933 у Харкаўскім фізіка-тэхнічным інстытуце АН Украіны, з 1939 у Інстытуце фізічных праблем АН СССР.
Навуковыя працы па тэорыі магнетызму, ядзернай фізіцы, тэорыі фазавых пераходаў, гравітацыі і касмалогіі.
Пабудаваў тэорыю даменаў[en] у ферамагнетыках (1935; разам з Л. Д. Ландау). Зрабіў значны ўклад у тэорыю фазавых пераходаў II роду[ru], прапанаваў тэорыю няўстойлівасцей у Сусвеце, які расшыраецца.
Аўтар шматтомнага выдання «Тэарэтычная фізіка»[ru] (разам з Ландау).