Янакіева[3] ці Янакіевэ[4] (укр.: Єнакієве; у 1928—1937 гадах — Рыкава, у 1937—1943 гадах — Арджанікідзэ) — горад (з 1925 г.) абласнога значэння ва Украіне, у Данецкай вобласці. Чыгуначная станцыя. Горад размешчаны ва ўсходняй частцы Данецкай вобласці, за 50 км ад Данецка. У яго паўднёвых ваколіцах рэкі Садкі, Корсунь і Булавін зліваюцца ў раку Крынка (басейн Міуса).
Распараджэннем Кабінета міністраў Украіны ад 7 лістапада 2014 г. горад унесены ў Спіс населеных пунктаў, на тэрыторыі якіх органы дзяржаўнай улады Украіны часова не ажыццяўляюць свае паўнаважанні[5].
13 красавіка 2014 года горад знаходзіўся пад кантролем сепаратысцкіх узброенных падраздзяленняў ДНР. Былі захоплены памяшканні гарсавета, пракуратуры і міліцыі. 20 красавіка сепаратысты на некаторы час выехалі з горада, але вярнуліся 4 мая.