Юрый Канстанцінавіч Ландо (н. 14 красавіка 1918, г. Уфа, Башкортастан — 24 мая 2001[1]) — беларускі матэматык. Доктар фізіка-матэматычных навук (1970, Краявыя задачы для інтэгра-дыферэнцыяльных раўнанняў), прафесар (1971), заслужаны работнік вышэйшай школы Беларускай ССР (1972).
Удзельнік Вялікай Айчыннай вайны. Скончыў Маскоўскі педагагічны інстытут імя К. Лібкнехта (1940). Працуе ў Беларускім дзяржаўным педагагічным універсітэце.
Навуковыя працы па звычайных дыферэнцыяльных і інтэгра-дыферэнцыяльных ураўнаннях. Даследаваў краявыя задачы для звычайных дыферэнцыяльных і інтэгра-дыферэнцыяльных ураўнанняў з мнагазначнымі часткамі, устанавіў прынцып спалучальнай адпаведнасці і паказаў яго дастасаванні да праблемы кіравальнасці.