У Вікіпедыі ёсць артыкулы пра іншых асоб з прозвішчам Дэдэкінд. Юліус Вільгельм Рыхард Дэдэкінд (ням.: Julius Wilhelm Richard Dedekind; 6 кастрычніка 1831, Браўншвайг - 12 лютага 1916, там жа) — нямецкі матэматык, член Берлінскай АН (1880). Вучыўся ў Гауса і І. Дзірыхле ў Гётынгенскім універсітэце. Асноўныя працы Дэдэкінда адносяцца да тэорыі алгебраічных лікаў. Стварыў шэраг агульных канцэпцый, якія ляжаць у аснове сучаснай алгебры, у прыватнасці яму належыць сучаснае вызначэнне ідэалу. Дэдэкінд вядомы таксама як аўтар адной з першых сістэм строгага абгрунтавання тэорыі сапраўдных лікаў. Выдаў лекцыі па тэорыі лікаў, якія чытаў Дзірыхле, а таксама поўны збор твораў Б. Рымана.