У гэтага паняцця ёсць і іншыя значэнні, гл. Энс.
Энс (ням.: Enns) — рака ў Цэнтральнай Еўропе, правы прыток Дуная[1].
Выток Энса знаходзіцца ў горах Ніжняга Таўэрна, на тэрыторыі аўстрыйскай федэральнай зямлі Зальцбург. Далей рака працякае ў паўночна-ўсходнім кірунку па тэрыторыі Штырыі ў даліне паміж горнымі градамі Усходніх Альпаў[2].
На поўнач ад Штайра Энс утварае мяжу паміж Верхняй і Ніжняй Аўстрыяй, якія ў Сярэднявеччы былі вядомыя як «Аўстрыя вышэй Энса» і «Аўстрыя ніжэй Энса»[1]. Рака ўпадае ў Дунай каля гарадоў Маўтхаўзен і Энс[2].