Ніжняя Аўстрыя (ням. Niederösterreich) — федэральная зямля на паўночным усходзе Аўстрыі. Сталіца і найбуйнейшы горад — Санкт-Пёльтэн. Насельніцтва 1.546.000 чалавек (2-е месца сярод зямель; дадзеныя 2001 г.).
Сталіцай Ніжняй Аўстрыі з’яўляецца горад Санкт-Пёльтэн, насельніцтва якога складае 50 тыс. чалавек. Санкт-Пёльтэн знаходзіцца ў 60 км на захад ад Вены ў раёне Мостфіртэль. Горад размешчаны на рацэ Трайзен, паміж Дунаем і перадгор’ямі Альпаў. Гэта адзін з самых старажытных гарадоў Аўстрыі, некалі ён нават быў сталіцай краіны. З 1986 года — самы малады адміністрацыйны цэнтр Аўстрыі. Іншымі буйнымі гарадамі Ніжняй Аўстрыі з’яўляюцца горада Вінер Нойштат (39 тыс. чалавек), Крэмс (23,5 тыс. чалавек) і Вайдхофен-на-Ібсе (11,5 тыс. чалавек), якія маюць асаблівы рэгіянальны статус.