Верхняя Аўстрыя (ням.: Oberösterreich) — федэральная зямля на поўначы Аўстрыі. Сталіца і найбуйнейшы горад — Лінц. Насельніцтва 1.377.000 чалавек (3-е месца сярод зямель; дадзеныя 2001 г.).
Верхняя Аўстрыя — федэральная зямля Аўстрыі, якая знаходзіцца на самым яе поўначы, якую дзеліць на дзве часткі з захаду на ўсход Дунай. Яна мяжуе з Чэхіяй і Германіяй, а таксама з аўстрыйскімі землямі Ніжняй Аўстрыяй, Зальцбургам і Штырыяй. Працягласць Верхні Аўстрыі з поўначы на поўдзень складае 145 км, а з захаду на ўсход — 165 км. Верхняя Аўстрыя займае 14,3 % усёй плошчы Аўстрыі, з’яўляючыся чацвёртай па сваіх памерах сярод іншых зямель Аўстрыі — 11982 кв. км (плошча ўсёй Аўстрыі 83871 кв. км), саступаючы толькі землям Ніжняя Аўстрыя, Штырыя і Ціроль. У Верхняй Аўстрыі пражываюць 1402050 жыхароў, з іх працаздольных 605246 чалавек.