Эмілі Эрын Дэшанель (англ.: Emily Erin Deschanel, нар. 11 кастрычніка 1976[2], Лос-Анджэлес, Каліфорнія, ЗША) — амерыканская кінаактрыса, прадзюсар, найбольш вядомая галоўнай роляй у тэлесерыяле «Косці».
Эмілі Дэшанель нарадзілася ў Лос-Анджэлесе ў сям’і намінанта на прэмію «Оскар» кінааператара Калеба Дэшанель і актрысы Мэры Джо Дэшанель (Уэйр). Праўнучка Поля Дэшанеля, 11-га прэзідэнта Францыі[3]. Мае ірландска-французскае паходжанне[4]. Таксама ў яе ёсць сястра Зоўі Дэшанель, актрыса.
Скончыла Бостанскі ўніверсітэт па спецыяльнасці «тэатральнае мастацтва» са ступенню бакалаўра[5]. З’яўляецца веганкай і ўдзельніцай руху PETA[6].
25 верасня 2010 годзе выйшла замуж за акцёра Дэвіда Хорнсбі(англ.) бел.[7]. 31 сакавіка 2011 года было абвешчана, што муж і жонка чакаюць з’яўлення першынца. Іх сын, Генры Хорнсбі, нарадзіўся 21 верасня 2011 года[8].
Эмілі дэбютавала ў фільме «Шчаслівы выпадак» у 1994 годзе. А пасля поспеху экранізацыі рамана Стывена Кінга «Чырвоная ружа» (2002 год) прыняла ўдзел у здымках фільмаў «Халодная гара» (2003 год), «Алама» (2004 год) і «Чалавек-павук 2» (2004 год), пасля чаго была адзначана ў рэйтынгах часопіса Interview Magazine сярод шасці актрыс, на якіх варта звярнуць увага ў 2004 годзе. Сыграўшы ў 2005 годзе ў «Бугімене», Дэшанель была запрошана на ролю доктара Тэмперанс Брэнан у тэлесерыяле «Косці» кампаніі FOX. За гэту ролю актрыса ўдастоілася намінацый на Satellite Award у 2006 годзе і на Teen Choice Awards у 2007-м. Пачынаючы з трэцяга сезона серыяла, Эмілі паспрабавала сябе ў якасці яго прадзюсара.
| Год | Беларуская назва | Арыгінальная назва | Роля | |
|---|---|---|---|---|
| ф | Шчаслівы выпадак | It Could Happen To You | актывістка, якая кідаецца фарбай | |
| ф | It's a Shame About Ray | It's a Shame About Ray | Мэгі | |
| тф | Сардэчны дэпартамент | The Heart Department | Мод Элін | |
| 2002 | с | Асабняк «Чырвоная ружа» | Rose Red | Пэм Эшберы |
| 2002 | с | Закон і парадак: Аддзел спецыяльных расследаванняў | Law & Order: Special Victims Unit | Кэсі Джэрмейн |
| 2002 | с | Правідэнс | Providence | Эні Фрэнк |
| тф | The Dan Show | The Dan Show | Сэм | |
| ф | Перадышка | Easy | Лора Хэрыс | |
| ф | Халодная гара | Cold Mountain | місіс Морган | |
| ф | Форт Алама | The Alamo | Разана Трэвіс | |
| 2004 | с | Расследаванне Джордан | Crossing Jordan | Мішэль |
| ф | Чалавек-павук 2 | Spider-Man 2 | ресепшыяніст | |
| ф | Old Tricks | Old Tricks | жанчына | |
| ф | Бугімен | Boogeyman | Кейт Хоўтан | |
| ф | Нямая цішыня | Mute | Клэр | |
| ф | That Night | That Night | Эні | |
| ф | Дарога да славы | Glory Road | Мэры Хэскінс | |
| ф | Мой анёл-захавальнік | My Sister's Keeper | доктар Фаркуад | |
| 2005—2011 | с | Косці | Bones | доктар Тэмперанс «Косці» Брэнан |
| ф | The Perfect Family | The Perfect Family | Шэнан Кліры |