wd wp Пошук: ⬜

Цімафей Сазонавіч Гарбуноў

У Вікіпедыі ёсць артыкулы пра іншых асоб з прозвішчам Гарбуноў.

Цімафе́й Сазо́навіч Гарбуно́ў (6 жніўня 1904, в. Саннікі, Лепельскі павет, Віцебская губерня — 8 кастрычніка 1969, Мінск) — партыйны і дзяржаўны дзеяч БССР, гісторык, акадэмік АН БССР (1959)[1].

Біяграфія

Нарадзіўся 6 жніўня 1904 года ў в. Саннікі Лепельскага павета Віцебскай губерні (цяпер — Бешанковіцкі раён Віцебскай вобласці).

У 1919—1924 гадах працаваў на лесапільні, ільнопрадзільнай фабрыцы «Дзвіна» ў Віцебску.

Скончыў БДУ ў 1936 годзе[1].

З 1937 года — галоўны рэдактар Дзяржаўнага выдавецтва БССР, з 1939 года — рэдактар газеты «Звязда».

У 1948 годзе скончыў Акадэмію грамадскіх навук пры ЦК УКП(б)(руск.) бел.[1].

У 1941—1947 гадах і 1950—1960 гадах — сакратар ЦК КПБ.

У Вялікую Айчынную вайну на палітрабоце ў Чырвонай Арміі, адзін з арганізатараў партызанскага руху на Беларусі.

У 1942—1945 гадах — рэдактар часопіса «Славяне(руск.) бел.», у 1949—1950 гадах — намеснік старшыні праўлення Усесаюзнага таварыства па распаўсюджванні палітычных і навуковых ведаў(руск.) бел., рэдактар часопіса «Наука и жизнь(руск.) бел.»[1].

У 1960—1967 гадах — акадэмік-сакратар Аддзялення грамадскіх навук АН БССР [1].

Памёр 8 кастрычніка 1969 года ў Мінску. Пахаваны ў Мінску на Усходніх могілках.

Навуковая дзейнасць

Асноўныя працы па гісторыі ўтварэння БССР, уз’яднання беларускага народаў адзінай Савецкай сацыялістычнай дзяржаве, аб першых сацыялістычных пераўтварэннях у рэспубліцы[1]

Бібліяграфія

Освобождённая Западная Белоруссия. — М., 1940;
Героическое прошлое белорусского народа. — Мн., 1945;
Образование Белорусской Советской Социалистической республики. — М., 1949;
Уз’яднанне беларускага народа ў адзінай Савецкай сацыялістычнай дзяржаве. — 2 выд. — Мн., 1952;
Народы братья: О связях белорусского народа с народами Прибалтики. — Мн., 1961;
В. И. Ленин — создатель белорусского Советского социалистического государства. — Мн., 1962

Грамадская і дзяржаўная дзейнасць

Дэпутат Вярхоўнага Савета СССР у 1946—1962 гадах, дэпутат Вярхоўнага Савета БССР у 1947—1967 гадах[1]. У 1955—1963 гадах — старшыня Вярхоўнага Савета БССР [1].

Узнагароды

Узнагароджаны ордэнам Леніна, іншымі ордэнамі і медалямі.

Зноскі

1 2 3 4 5 6 7 8 Горбунов Тимофей Сазонович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 160. — 737 с.

Літаратура

Гарбуноў Цімафей Сазонавіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 57. — 10 000 экз. — ISBN 985-11-0035-8. — ISBN 985-11-0090-0 (т. 5).
Гарбуноў Цімафей Сазонавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 210. — 800 с. — 5 000 экз. — ISBN 985-11-0026-9.

Спасылкі

Цімафей Сазонавіч Гарбуноў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
Гарбуноў Цімафей Сазонавіч на сайце анлайн-энцыклапедыі «Беларусь у асобах і падзеях»