Хрысціян Хрысціянавіч Стэвен (ням.: Christian von Steven; 19 [30] студзеня 1781, Фрыдрыхсгам, Выбаргская губерня (цяпер Хаміна, Фінляндыя) — 18 (30) красавіка 1863, Сімферопаль) — расійскі батанік шведскага паходжання, доктар медыцыны, садоўнік і энтамолаг, заснавальнік і першы дырэктар Нікіцкага сада ў Крыме, сапраўдны стацкі саветнік.
З 1849 года ганаровы член Пецярбургскай акадэміі навук, з 1815 года — член-карэспандэнт. Стэвен апісаў мноства раслін поўдня Расійскай імперыі.