Хацьма́[3] (Lavatera) — род кветкавых раслін сямейства Мальвавыя (Malvaceae). Налічвае каля 30 відаў, пашыраных пераважна ў Міжземнамор’і.
Аднагадовыя і шматгадовыя травяністыя расліны, кусты, часам дрэвы вышынёй да 1,5 м. Лісце глыбокалопасцевае, чаргаванае. Кветкі на кветаножках, адзіночныя або ў канцавых гронкападобных і коласападобных суквеццях. Колер кветак пурпурны, ружовы, зрэдку жоўты. Плод каробачкападобны. Цвітуць з ліпеня да восені.
Выкарыстоўваюцца ў якасці дэкаратыўных, фарбавальных, меданосных і лекавых раслін.