Ганс-Адам II (ням.: Hans-Adam II, поўнае імя Johannes Adam Ferdinand Alois Josef Maria Marko d’Aviano Pius von und zu Liechtenstein, нар. 14 лютага 1945 г.) — дзеючы князь Ліхтэнштэйну. Узышоў на трон 13 лістапада 1989 г.
Сын князя Франца Іосіфа II.
У адрозненне ад большасці сучасных манархіяў, якія маюць тэндэнцыю да абмежавання ўлады кіраўніка дзяржавы, Ханс-Адам ў 2003 г. арганізаваў і выйграў рэферэндум, накіраваны на пашырэнне княжацкіх паўнамоцтваў. Аднак адначасова быў уведзены ў дзеянне закон, які забараняе князю выкарыстоўваць права вета ў выпадку, калі парламент прыме рашэнне змяніць форму праўлення на рэспубліканскую.
У жніўні 2004 г. Ганс-Адам II афіцыйна перадаў паўнамоцтвы па штодзённым кіраванні дзяржавай свайму сыну, наследнаму князю Алаізу.