Фрыда Торэсбланка — мексіканска-амерыканская незалежная кіна- і тэлепрадзюсарка, вядомая сваёй працай з Альфонса Куаронам і Гільерма дэль Тора[1].
Фрыда спрадзюсіравала мноства незалежных фільмаў, у тым ліку «Замах на Рычарда Ніксана[en]» з Шонам Пенам і Наомі Уотс у галоўных ролях, «Танцорка наверсе[en]» Джона Малкавіча з Хаўерам Бардэмам у галоўнай ролі, «Руда і Курсі[en]», «Хронікі[en]», «Замкнёная[en]», «Поўдзень з Гаўдзі[en]» і аскараносны фільм Гільерма дэль Тора «Лабірынт фаўна». У 2010 годзе Фрыда адкрыла сваю прадзюсарскую кампанію «Braven Films», чый першы фільм «Магія, магія[en]» з Майклам Сера[en] ў галоўнай ролі выйшаў у 2013 годзе.
Фрыда трапіла пад пільную ўвагу з-за шматлікіх абвінавачванняў у дамаганнях, звязаных з інцыдэнтам у 2008 годзе, падчас якога яна нібыта жорстка абыходзілася з жанчынай, якая працавала ў яе сям’і[2].