Альфо́нса Куаро́н Аро́ска (ісп.: Alfonso Cuarón Orozco; ісп. вымаўленне: [alˈfonso kwaˈɾon]; нар. 28 лістапада 1961, Мехіка, Мексіка) — мексіканскі кінарэжысёр, сцэнарыст, кінапрадзюсар і мантажор. Лаўрэат дзвюх прэмій «Оскар» («Найлепшы рэжысёр», «Найлепшы мантаж») за працу над фільмам «Гравітацыя» (2013) і «Залатога льва» Венецыянскага кінафестывалю за фільм «Рома» (2018).
Сярод самых вядомых работ рэжысёра — экранізацыя рамана Джаан Роўлінг «Гары Потэр і Вязень Азкабана» (2004), антыўтопія «Дзіця чалавечае» (2006) і камерны тэхнатрылер «Гравітацыя» (2013). Пастаноўка апошняга маштабнага праекта прынесла Куарону шматлікія ўзнагароды, сярод якіх «Залаты глобус», BAFTA і «Оскар».