У Вікіпедыі ёсць артыкулы пра іншых асоб з прозвішчам Штук.
Франц фон Штук (ням.: Franz von Stuck; 23 лютага 1863— 30 жніўня 1928) — нямецкі жывапісец і скульптар.
Сын вясковага млынара, Франц фон Штук вучыўся ў Каралеўскай школе мастацтваў і рамёстваў у Мюнхене, а затым у Мюнхенскай акадэміі мастацтваў. Фон Штук захапляўся новымі мастацкімі тэхнікамі і жанрамі і разам з Вільгельмам Трубнерам заснаваў у 1892 г. Мюнхенскі сэцэсіён.
З 1895 Штук - прафесар Акадэміі мастацтваў, сярод яго вучняў - Васіль Кандзінскі, Паўль Клее, Іозеф Хенгэ, Георг Карс, Паўль Штольрайтэр і Генрых Штрыфлер. У 1906 г. Франц фон Штук атрымаў дваранскі тытул. У адным шэрагу з Францам фон Ленбахам і Фрыдрыхам Аўгустам фон Каўльбахам фон Штук з’яўляецца яскравым прадстаўніком мюнхенскай школы выяўленчага мастацтва.
Натхнёны творчасцю Арнольда Бёкліна, Штук пісаў карціны на сюжэты з свету фантазій і алегорый, сімвалічныя вобразы, як, напрыклад яго «Грэх» (1893) і «Вайна» (1894). Многія з яго буйнафарматных твораў адрознівае двухсэнсоўна-эратычная атмасфера.