wd wp Пошук: ⬜

Паўль Клее

Паўль Клее[10] (18 снежня 1879, Мюнхенбухзее, пад Бернам — 29 чэрвеня 1940, Лакарна) — нямецкі і швейцарскі мастак, графік, тэарэтык мастацтва, адна з найбуйнейшых фігур еўрапейскага авангарда. Пражыў больш за палову жыцця ў Швейцарыі.

У сваім раннім перыядзе творчасці — экспрэсіяніст, выпрабаваў значны ўплыў канструктывізму, кубізму, прымітывізму і сюррэалізму.

Клее працаваў у цесным кантакце з «Сінім вершнікам», яго графічныя работы экспанаваліся на другой выстаўцы «Чорнае-белае» (па-нямецку: «Die zweite Ausstellung der Redaktion Der Blaue Reiter Schwarz-Weiß»), арганізаванай аб’яднаннем у 1912 годзе. Да 1914 года Клее працаваў у асноўным у галіне графікі.

Пасля падарожжа па Тунісе, якое мастак здзейсніў разам з Аўгустам Маке і Луі Муалье, у яго творчасці адбыўся паварот да жывапісу.

Як і яго сябар, Васіль Кандзінскі, Клее з 1921 года выкладаў у Веймары, а затым, пасля пераезду школы, і ў Дэсау. З 1931 года ён быў прафесарам Дзюсельдорфскай акадэміі мастацтваў. Пасля прыходу да ўлады ў Германіі нацыянал-сацыялістаў ён быў вызвалены ад займанай пасады і вярнуўся ў Берн, дзе правёў апошнія гады. Нягледзячы на цяжкую прагрэсавальную хваробу (склерадэрмія), у гэты перыяд Клее шмат і плённа працаваў. Аўтар тэарэтычных твораў «Schöpferische Konfession» (1920) і «Педагагічныя эскізы» (па-нямецку: Pädagogisches Skizzenbuch, 1925).

Грамадзянін Германіі, Клее нарадзіўся, правёў значную частку жыцця і памёр у Швейцарыі.

Галерэя

Der Goldfisch (Залатыя рыбкі), 1925
Was fehlt ihm? (Чаго яму не хапае?), 1930
Revolution des Viadukts (Рэвалюцыя віядука), 1937
Ручная марыянетка без назвы (аўтапартрэт), 1922

Зноскі

1 2 Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
↑ Paul Klee
↑ https://data.bnf.fr/ark:/12148/cb11909820v
1 2 http://data.bnf.fr/ark:/12148/cb11909820v
↑ Клее Пауль // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 27 верасня 2015.
↑ Клее Пауль // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
1 2 3 RKDartists
↑ (unspecified title) Праверана 10 ліпеня 2019.
1 2 3 https://artfacts.net/artist/paul-klee/2390
↑ Напісанне імя і прозвішча Паўль Клее у адпаведнасці з БЭ ў 18 тамах. Т.8., Мн., 1999, С.328.

Літаратура

Wilhelm Hausenstein. Kairuan oder eine Geschichte vom Maler Klee und von der Kunst dieses Zeitalters. München, 1921
Klee F. Paul Klee, his life and work in documents. New York: G. Braziller, 1962
Kagan A. Paul Klee/art & music. Ithaca: Cornell UP, 1983
Franciscono M. Paul Klee: his work and thought. Chicago: University of Chicago Press, 1991
Ferrier J.L. Paul Klee. Paris: Terrail,1999
Paul Klee: Leben und Werk/ Jürgen Glaesemer (Hrsg.). Stuttgart: Hatje Cantz, 2001.
Anger J. Paul Klee and the decorative in modern art. Cambridge; New York: Cambridge UP, 2004
Porter Aichele K. Paul Klee, poet/painter. Rochester: Camden House, 2006

Спасылкі

Сайт Цэнтра Клее ў Берне Архівавана 15 кастрычніка 2009. (ням.) (англ.) (фр.)
Працы ў музеях свету
Біяграфія, працы on line (англ.)
Паўль Клее: Віртуальная галерэя (англ.)