Феадосій (Фядос) Міхайлавіч АЎХАЧОЎ[2][3] (4 (17) верасня 1909, в. Машавое, Клімавіцкі павет, Магілёўская губерня[4] — 17 лістапада 1993, Масква) — удзельнік Вялікай Айчыннай вайны, камандзір танкавага батальёна 1-й польскай танкавай брыгады 11-га гвардзейскага танкавага корпуса 1-й гвардзейскай танкавай арміі 2-га Беларускага фронту, Герой Савецкага Саюза (1946), маёр.
У перыяд Айчыннай вайны на фронце з 1941 года. Удзельнік абароны Прыбалтыкі. Быў камандзірам танкавага батальёна, вызначыўся ў сакавіку пры вызваленні Гдыні: яго батальён першым уварваўся ў порт, знішчыў 11 варожых гармат, 20 паравозаў захапіў, каля 100 вагонаў з грузам, 5 складоў, каля 350 аўтамашын, 30 матацыклаў. Пасля вайны на гаспадарчай працы[3].