Усеагульная нямецкая рабочая асацыяцыя (УНРА) або Усеагульны нямецкі рабочы саюз (ням.: Allgemeiner Deutscher Arbeiterverein (ADAV)) — першая рабочая арганізацыя ў Германіі, заснаваная ў 1863 годзе Фердынандам Ласалем у Лейпцыгу.
Ідэалогія Усеагульнай нямецкай рабочай асацыяцыі засноўвалася на тэорыі Ласаля, паводле якой вызваленне працоўных магло быць дасягнута толькі шляхам стварэння рабочых вытворчых аб’яднанняў з дапамогай дзяржавы. Таму ласальянцы дапускалі супрацоўніцтва з германскай дзяржавай (нават у манархічнай форме) супраць буржуазіі. Ласальянцы таксама падтрымалі аб’яднанне Германіі Бісмаркам.
У 1875 годзе прафсаюз аб’яднаўся з Сацыял-дэмакратычнай рабочая партыяй у Сацыялістычную рабочую партыю Германіі.