У Вікіпедыі ёсць артыкулы пра іншых асоб з прозвішчам Кін-Камінскі. Уладзімір Тадэвушавіч Кін-Камінскі (14 лістапада 1950, Мінск[2] — 12 сакавіка 1997, Мінск) — беларускі акцёр тэатра і кіно.
У 1972 годзе скончыў Беларускі тэатральна-мастацкі інстытут. З 1972 года — акцёр у Нацыянальным Акадэмічным Тэатры імя Янкі Купалы. Чытаў вершы і апавяданні на Беларускім Радыё[3], здымаўся на Беларусьфільме і Беларускім тэлебачанні. За пастаноўку ў Беларускім дзяржаўным акадэмічным тэатры імя Янкі Купалы спектакля «Тутэйшыя» паводле п’есы Янкі Купалы ўзнагароджаны Дзяржаўнай прэміяй Беларусі ў галіне тэатральнага мастацтва ў 1992 годзе.
Член Беларускага саюза тэатральных дзеячаў з 1977 года.
Бацька — Тадэвуш Карлавіч Кін-Камінскі. Жонка — Наталля Пятроўна Перавалава. Дачка — Марыя Уладзіміраўна Кін-Камінская.