У Вікіпедыі ёсць артыкулы пра іншых асоб з прозвішчам Палуян. Уладзі́мір Мікала́евіч Палуя́н (нар. 11 лютага 1961, Некрашэвічы, Турэцкі сельсавет, Карэліцкі раён, Гродзенская вобласць) — беларускі дзяржаўны дзеяч, Міністр па падатках і зборах Рэспублікі Беларусь (2009—2014).
Скончыў Беларускі дзяржаўны інстытут народнай гаспадаркі імя В. У. Куйбышава (1988), Акадэмію кіравання пры прэзідэнце Рэспублікі Беларусь (2006).
У 1982—1988 гадах працаваў на МТЗ фрэзэроўшчыкам, наладчыкам, сакратаром камітэту камсамола.
У 1991—1994 гадах — дырэктар шматпрофільнага малога прадпрыемства «Цімэн» у Мінску.
У 1994—1997 гадах — вядучы спецыяліст, галоўны эксперт Кантрольнай палаты Рэспублікі Беларусь.
У 1997—2002 гадах — галоўны спецыяліст, начальнік упраўлення, намеснік начальніка галоўнага ўпраўлення Камітэту дзяржкантролю Рэспублікі Беларусь.
У 2002—2004 гадах — начальнік інспекцыі Міністэрства па падатках і зборах па Кастрычніцкім раёне Мінску.
З 2004 года — першы намеснік Міністра па падатках і зборах Рэспублікі Беларусь.
З 4 снежня 2009 да 27 снежня 2014 года — Міністр па падатках і зборах Рэспублікі Беларусь.
10 кастрычніка 2011 года быў унесены ў Чорны спіс Еўрасаюза[1]. Міністр па падатках і зборах рашэннем Савета Еўрапейскага саюза ад 15 кастрычніка 2012 года быў прызначаны адказным за дзейнасць падатковых органаў, якія падтрымалі крымінальную справу супраць праваабаронцы Алеся Бяляцкага, выкарыстоўваючы падставу у выглядзе ўхілення ад сплаты падаткаў[2].
(1933—2008). — Мн.: БГЭУ, 2008. — С. 293. — ISBN 978-985-484-515-9.