Тладыя́нта[3][4] (Thladiantha) — род кветкавых раслін сямейства Гарбузовыя (Cucurbitaceae).
Распаўсюджаныя ў Паўднёва-Усходняй Азіі. На тэрыторыі Беларусі 1 від — тладыянта няпэўная (Thladiantha dubia).
Культывуецца як дэкаратыўная павойная расліна, часам дзічэе.
Шматгадовыя травяністыя расліны з клубнепадобна патоўшчанымі каранямі. Сцёблы даўжынёй да 4 метраў, лазяць пры дапамозе вусікаў. Лісце простае, суцэльнае, сэрцападобнае, на доўгіх чаранках. Кветкі аднаполыя (тычынкавыя ў гронках або адзіночныя), жоўтыя, званочкавыя. Плод — цыліндрычная чырвоная сакавітая салодкая гарбузіна.