У Вікіпедыі ёсць артыкулы пра іншых асоб з прозвішчам Якубовіч. Таццяна Раманаўна Якубовіч (нар. 7 красавіка 1972, в. Гарадок, Кармянскі раён, Гомельская вобласць) — беларускі матэматык, педагог і палітык, дэпутат Палаты прадстаўнікоў Нацыянальнага сходу Рэспублікі Беларусь VI склікання. Кандыдат фізіка-матэматычных навук, дацэнт.
Скончыла Гомельскі дзяржаўны ўніверсітэт імя Ф. Скарыны, выкладчык матэматыкі; Акадэмію кіравання пры Прэзідэнце Рэспублікі Беларусь, ідэолаг.
Працавала лабарантам, настаўнікам матэматыкі СШ № 22 г. Баранавічы; выкладчыкам матэматыкі, загадчыцай завочнага аддзялення, намеснікам дырэктара па навучальнай працы Баранавіцкага эканоміка-юрыдычнага тэхнікума; прарэктарам па навучальнай і выхаваўчай працы, першым прарэктарам Баранавіцкага дзяржаўнага ўніверсітэта.
Узнагароджана Ганаровай граматай Міністэрства адукацыі Рэспублікі Беларусь. Мае Падзячнае пісьмо Прэзідэнта Рэспублікі Беларусь.
Замужам, мае дачку і сына.