wd wp Пошук: ⬜

Тарпан

Тарпа́н (Equus ferus ferus) — дзікі конь.

Апісанне

Адрозніваюць 2 падвіды: тарпан стэпавы і тарпан лясны. Вышыня ў карку тарпана стэпавага да 137 см, тарпан лясны драбнейшы. Склад цела дужы, масць шэрая. Уздоўж спіны чорная паласа, грыва і хвост чорныя.

Паходжанне

Тарпаны доўгі час разглядаліся або як прамыя нашчадкі дзікіх каней плейстацэнавай эпохі ў Еўропе або як непасрэдныя продкі сучасных свойскіх коней. Даследаванне генетыкаў, апублікаванае ў 2021 г.[1], выявіла, што тарпаны з’яўляліся вынікам змяшэння еўрапейскіх дзікіх коней са свойскімі коньмі Ямнай культуры.

Гісторыя

Былі пашыраны ў Еўропе і заходнім Казахстане. Тарпан стэпавы вынішчаны ў XVIII—XIX ст. Тарпан лясны — на пачатку XIX ст. У 1930-х г. у Германіі і Польшчы працавалі над узнаўленнем тарпана ляснога. Пасля вайны тарпанападобныя коні трапілі ў Германію, затым вярнуліся ў Польшчу. У 1962 і 1968 з Польшчы на Беларусь завезена 5 асобін у Белавежскую пушчу. З’явіліся папуляцыі ў Нідэрландах, Румыніі, Латвіі. Дзікіх коней з Нідэрландаў у 2019 годзе завезлі ў Налібоцкую пушчу, дзе атрымаўся статак у 151 галаву[2], які затым павялічыўся.

Зноскі

Літаратура

Самусенка Э. Тарпан // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.