wd wp Пошук:
    ⬜

    Тамілнад

    Тамілнад (англ.: Tamil Nadu) — штат на поўдні Індыі, на ўзбярэжжы Бенгальскага заліва, мяжуе са штатамі Андхра-Прадэш, Карнатака, Керала, саюзнай тэрыторыяй Пандышэры. Займае 11-е месца сярод штатаў па плошчы (130 058 км², параўнальна з плошчай Грэцыі) і 6-е па насельніцтву (67 млн чалавек, 2008). Адміністрацыйны цэнтр — Чэнаі. Самы вялікі горад — Мадурай.

    Геаграфія

    Паўпустыня на поўдні штата
    Заходняя і паўднёвая часткі штата халмістыя, з багатай расліннасцю, усходняя — прыбрэжныя раўніны з урадлівымі глебамі, паўночная — спалучае халмы і раўніны. Тамілнад — адзіны штат Індыі, на тэрыторыі якога ляжаць і [Заходнія](/Заходнія_Гаты "Заходнія Гаты"), і [Усходнія Гаты](/Усходнія_Гаты "Усходнія Гаты"). Сейсмічная актыўнасць нізкая. Клімат мусонны.

    Эканоміка

    Аддзяленне Infosys у Чэнаі
    Тамілнад з'яўляецца самым урбанізаваным штатам (47% у 2005) і другім (пасля [Махараштры](/Махараштра "Махараштра")) па прамысловай магутнасці штатам Індыі.

    Найбольш развітыя галіны прамысловасці — ІТ-індустрыя (другое месца ў краіне пасля Карнатакі), машынабудаванне (40% нацыянальнай вытворчасці аўтамабіляў, заводы Ford, Hyindai, Nissan), чорная металургія, энергетыка, тэкстыльная прамысловасць.

    У сельскай гаспадарцы занята адносна невялікая частка насельніцтва. Пры гэтым штат стаіць на першым месцы ў Індыі па вырошчванні арахісу і цукровага трыснягу і на другім (пасля Пенджаба) па збору рысу.

    Добра развіты турызм. Турыстычныя цэнтры - Чэнаі, Махабаліпурам, Уці, Еркаўд.

    Насельніцтва

    Большасць жыхароў штата — тамілы. На тамільскай мове гавораць 89,5%, тэлугу — 5,7%, канада — 1,7%, урду — 1,5% (2001). Шырока распаўсюджана і ўсеагульна выкарыстоўваецца ангельская мова.

    Індуізм спавядае 88% насельніцтва, хрысціянства — 6%, іслам — 5,6% (2001). Хрысціянская абшчына Тамілнада самая шматлікая ў краіне.

    Індэкс узроўню чалавечага развіцця ў Тамілнадзе — адзін з самых высокіх у краіне — 0.736 (сярэдні па Індыі — 0.619).

    Зноскі

    1. ↑ archINFORM — 1994. Праверана 6 жніўня 2018.
    2. ↑ Updated population estimates for Tamil Nadu as of 01/07/2008.

    У Сеціве

    Тэмы гэтай старонкі (6):
    Вікіпедыя:Артыкулы з пераазначэннем значэння з Вікідадзеных
    Штаты і тэрыторыі Індыі
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Старонкі з нелікавымі аргументамі formatnum
    Тамілнад
    Вікіпедыя:Артыкулы з крыніцамі з Вікідадзеных