Пандышэры (фр.: Pondichéry), Пудучэры (англ.: Puducherry), саюзная тэрыторыя Індыі. Плошча — 493 км². Насельніцтва — 974 тыс. чалавек (2001). Назва паходзіць з тамільскай мовы і азначае «новая вёска».
Тэрыторыя Пандышэры ўтворана чатырма невялікімі несумежнымі абласцямі - былымі французскімі калоніямі - Маэ на ўзбярэжжы Аравійскага мора і Пандышэры, Карыкал і Янаон - на ўзбярэжжы Бенгальскага заліва, якія да 1954 складалі Французскую Індыю.
Асноўныя мовы тэрыторыі — тамільская, малаялам, тэлугу, французская.