wd wp Пошук:
    ⬜

    Тамашоўка

    У паняцця ёсць і іншыя значэнні, гл. Тамашоўка (значэнні). Тамашо́ўка[1] (трансліт.: Tamašoŭka, руск.: Томашовка) — аграгарадок[2][3] у Брэсцкім раёне Брэсцкай вобласці. Адміністрацыйны цэнтр Тамашоўскага сельсавета. Размешчана за 69 км на поўдзень ад Брэста, 1 кіламетр ад чыгуначнай станцыі Уладава, на захадзе — рака Заходні Буг (прыток р. Нараў) і дзяржаўная граніца з Польшчай, аўтадарогай звязана з Брэстам. Цэнтр Тамашоўскага сельсавета.

    Цэнтр адкрытага акцыянернага таварыства «Камароўка».

    Гісторыя

    У 19 стагоддзі назву Тамашоўка мелі фальварак і пасёлак у Прыбараўскай воласці Брэсцкага павета Гродзенскай губерні. У 1876 годзе ў фальварку было 2 двары, 29 жыхароў, у пасёлку 1 двор, 32 жыхары.

    У Першую сусветную вайну ў 1915—1916 гадах тут адбыліся баі паміж расійскім і германскім войскамі, у час якіх загінулі 1346 салдат з абодвух бакоў. Паводле Рыжскага мірнага дагавора 1921 года ў складзе Польшчы, у Прыбараўскай гміне Брэсцкага павета Палескага ваяводства. На стан 30 верасня 1921 года ў вёсцы было лясніцтва.

    З 1939 года ў складзе БССР. У Вялікую Айчынную вайну летам 1942 года гітлераўцы стварылі Тамашоўскае гета, у якім утрымлівалі 2 тыс. чалавек. У канцы ліпеня 1942 года праведзена масавае знішчэнне вязняў гета. За гады вайны акупанты спалілі 129 двароў, знішчылі больш за 2000 жыхароў.

    У чэрвені 1949 года арганізаваны калгас імя Дзяржынскага ў в. Прыбарава, у які ўключана Тамашоўка.

    31 снежня 2011 года ў ваколіцах вёсак Тамашоўка і Селяхі Брэсцкага раёна зафіксаваны першы выпадак з’яўлення ў Беларусі шакалаў.

    Насельніцтва

    Інфраструктура

    Памятныя мясціны

    Зноскі

    1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
    2. ↑ “Преобразование деревни Томашовка в агрогородок” (нявызн.). Архівавана з першакрыніцы 23 красавіка 2013.
    3. ↑ Информация о создании агрогородков в Республике Беларусь Архівавана 30 жніўня 2014.

    Літаратура

    Спасылкі

    Тэмы гэтай старонкі (8):
    Населеныя пункты паводле алфавіта
    Вікіпедыя:Артыкулы з пераазначэннем значэння з Вікідадзеных
    Артыкулы пра населеныя пункты Беларусі, створаныя аўтаматычна
    Аграгарадкі Брэсцкай вобласці
    Тамашоўскі сельсавет
    Населеныя пункты Брэсцкага раёна
    Старонкі з няправільным сінтаксісам спасылак на крыніцы
    Тамашоўка