Сярэбраныя Пруды[2] (руск.: Сере́бряные Пруды́) — пасёлак гарадскога тыпу (рабочы пасёлак) у Маскоўскай вобласці Расіі. Утварае адміністрацыйна-тэрытарыяльную адзінку (пасёлак гарадскога тыпу з адміністрацыйнай тэрыторыяй) і аднайменнае муніцыпальнае ўтварэнне гарадская акруга Сярэбраныя Пруды.
Насельніцтва — 9136 чал. (2017).
Размешчаны на рацэ Асётр, паблізу федэральнай аўтатрасы Р22 «Каспій», на крайнім паўднёвым усходзе Маскоўскай вобласці. Гэта самы аддалены ад Масквы раённы цэнтр Падмаскоўя (160 кіламетраў па Кашырскай шашы). Чыгуначная станцыя на лініі Ажарэлле — Павелец.