Сямён Майсеевіч Алукер (23.12.1892(04.01.1893), Гомель — 17 сакавіка 1955, Мінск) — беларускі вучоны ў галіне оталарынгалогіі. Доктар медыцынскіх навук (1946), прафесар (1949).
Скончыў медыцынскі факультэт Юр’еўскага ўніверсітэта (1916). Асістэнт клінікі (кафедры) хвароб вуха, горла, носа медыцынскага факультэта БДУ, Беларускага (Мінскага) медыцынскага інстытута (1929—1937). Дацэнт кафедры (1937—1941).
У час Вялікай Айчыннай вайны ардынатар эвакашпіталю (1941—1944). Дацэнт кафедры хвароб вуха, горла, носа Мінскага медыцынскага інстытута (1944—1948). Загадчык кафедры хвароб вуха, горла, носа Архангельскага медыцынскага інстытута (1948—1949). Загадчык кафедры хвароб вуха, горла, носа Мінскага медыцынскага інстытута (1949—1952).
Навуковыя працы па клінічных, біяхімічных, эксперыментальных даследваннях склеромы.