У Вікіпедыі ёсць артыкулы пра іншых асоб з прозвішчам Жукаў. Сцяпан Іванавіч Жу́каў[1] (1 мая 1923, вёска Пушча, Расонскі раён — 24 ліпеня 1997) — ваенны лётчык, удзельнік Вялікай Айчыннай вайны, Герой Савецкага Саюза .
Сцяпан Іванавіч нарадзіўся ў сям’і селяніна. Скончыў Віцебскі аэраклуб (1941), Чарнігаўскую знішчальную школу пілотаў (1942), Вышэйшыя афіцэрскія курсы (1952). У Чырвонай Арміі з 1941 г. Са жніўня 1943 г. на Цэнтральным і 1-м Беларускім франтах — лётчык-штурмавік. Удзельнік Курскай бітвы, вызвалення Украіны, Беларусі, баёў у Германіі. Намеснік камандзіра авіяэскадрыллі старшы лейтэнант С. I. Жукаў зрабіў 170 баявых вылетаў на штурмоўку жывой сілы і тэхнікі праціўніка, у тым ліку ў час вызвалення Беларусі 50 вылетаў на чале групы самалётаў і 30 на разведку. Герой Савецкага Саюза (1946).
Пасля вайны да 1957 г. С. I. Жукаў служыў у Савецкай Арміі, маёр. Пасля жыў у Курску, Расонах, Полацку. Пахаваны ў горадзе Полацку.