Стэрліба́шаўскі раён (руск.: Стерлибашевский район; башк.: Стәрлебаш районы) — адміністрацыйна-тэрытарыяльная адзінка на паўднёвым захадзе Башкартастана ў Расіі. Адміністрацыйным цэнтрам з’яўляецца сяло Стэрлібашава.
Стэрлібашаўскі раён мяжуе з Стэрлітамацкім, Меляузаўскім, Фёдараўскім і Міякінскім раёнамі, а таксама з Арэнбургскай вобласцю. Плошча раёна складае 1608,75 км².
Стэрлібашаўскі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 18207 чалавек. Паводле перапісу 2010 года большасць складаюць татары (54,3 %), далей ідуць башкіры (36,2 %), рускія (5,9 %) і чувашы (2,3 %).