Стрэ́лкі[3][4] (Capsélla) — род кветкавых раслін з сямейства Капуставыя (Brassicaceae).
Лацінская навуковая назва дадзена па форме пладоў: лац.: capsella — скрыначка, куфэрак.
Аднагадовыя або двухгадовыя травяністыя расліны. Сцябло простае або галінастае. Сцябловае лісце сядзячае, простае, суцэльнае, ніжняе — у прыкаранёвай разетцы, перыста-раздзельнае. Кветкі белага або ружовага колеру, з чатырма пялёсткамі. Суквецце — гронка. Плод — стручочак.
На тэрыторыі Беларусі 1 від: — Стрэлкі звычайныя (Capsella bursa-pastoris). Трапляюцца на пустках, як пустазелле на палях, у садах, каля дарог.
Шырока ўжываецца ў народнай і навуковай медыцыне. Лісце прыдатнае ў ежу. У насенні маецца алей[4].
Паводле сайта The Plant List род налічвае 9 відаў.